Спенсэр Хосэ

Спенсэр нь уул уурхай, барилга, технологи, үйлчилгээний салбарт ажилласан 20 гаруй жилийн туршлагатай.

Тэрээр 2007 оноос Тийсс компанид ажиллаж эхэлсэн бөгөөд үйл ажиллагааны ахлах болон удирдах түвшний албан тушаалыг хашсаар ирсэн. 2022 оны 5-р сард Группийн машин техник хариуцсан гүйцэтгэх захирлаар томилогдсон.

Түүний чадварлаг, хамтын ажиллагаанд суурилсан удирдах арга барил нь төсөл болон үйл ажиллагааны гүйцэтгэлийн үзүүлэлтийг онцгой байлгах, захиалагчдын хүртэх үр өгөөжийг нэмэгдүүлэхийн үндэс болдог. Тэрээр захиалагч, нийлүүлэгч, туслан гүйцэтгэгч зэрэг голлох оролцогч талуудтай үр дүнтэй харилцаа тогтоон, хамтын ажиллагааг бэхжүүлж, бизнесийн хувьд хамгийн ашигтай үр дүнд хүрч ажилладаг бөгөөд ажилтнуудаа хөгжүүлэхийг онцгойлон дэмждэг.

Одоо хашиж буй албан тушаалд томилогдохоос өмнө Ази, Африкийн бүс нутаг хариуцсан Гүйцэтгэх ерөнхий менежер болон Африк дах Мажве Майнинг хамтарсан компанийн ТУЗ-ийн даргын албан тушаал хашиж байв. Мөн Баруун болон Өмнөд Австрали хариуцсан Ерөнхий менежерээр ажиллаж, Тийссийн ажиллаж буй гүний уурхайн үйл ажиллагааг өргөжүүлэхэд голлох үүрэг гүйцэтгэсэн.

Спенсэр нь Тийсст орохоос өмнө Австралийн Dimension Data компанид ажиллахдаа төрөл бүрийн салбарын үндэстэн дамнасан байгууллагуудад Мэдээлэл технологийн интеграцчилал, програм хангамжийн үйлчилгээ үзүүлдэг, Баруун Австрали дах борлуулалтын болон инженерийн багуудыг удирдаж байв. Тэрээр Австралийн тэнгисийн цэргийн хүчинд алба хаах хугацаандаа цахим дайрайлт, дохионы тандан судалгаанд ашиглагддаг дэвшилтэй технологитой ажиллаж байсан. Австралийн тэнгисийн цэргийн хүчинд байхдаа Хэрэглээний шинжлэх ухааны мэргэжлийн диплом хамгаалсан бөгөөд Австралийн Компаниудын захирлуудын хүрээлэнгийн гишүүн юм.