Майкл Райт

Майкл Райт 2020 оны 2-р сард Тийсс компанийн ТУЗ-ийн даргаар, 2021 оны 7-р сард Гүйцэтгэх захирлаар томилогдон ажиллаж байна.

Тэрээр Австрали, Ази, Африк болон Америкт эрдэс баялаг, үйлдвэрлэлийн салбарт 30 гаруй жил ажилласан арвин туршлагатай нэгэн юм. Тийссийн ТУЗ-ийн дарга болон Гүйцэтгэх захирлын албан тушаалыг хашиж эхлэхээс өмнө тэрээр Австралийн хөрөнгийн биржид бүртгэлтэй СИМИК Группийн Гүйцэтгэх захирлаар ажиллаж, тус Группийн бүрэлдэхүүнд багтах “Sedgman”, “UGL”, “CPB Contractors”, “Лэйтон Ази” болон Тийсс зэрэг компанийн үйл ажиллагааг удирдан чиглүүлж байв. Анх 1998 онд Тийсс компанид Төслийн менежерээр ажиллаж эхэлсэн Майкл уул уурхай, барилга угсралт, үйлчилгээний салбарт удирдах болон үйл ажиллагааны чиглэлээр зохих албан тушаалуудыг хашиж байсан нь үйл ажиллагааны, техникийн, гэрээний болон стратегийн талаар мэдлэг, туршлага хуримтлуулах үндсийг түүнд бүрдүүлж өгсөн.

Тэрээр хүчирхэг бөгөөд аюулгүй ажиллагаа, гүйцэтгэлд анхаарч ажилладаг баг бүрдүүлэх замаар захиалагчдын хүртэх үр өгөөжийг нэмэгдүүлэх, үйл ажиллагааны гүйцэтгэлийг шилдэг байлгахад анхаарч ажилладаг, өндөр ур чадвартай, шинэлэг удирдагч юм. Мөн тэрээр Австралийн “Эрдэс баялгийн зөвлөл” болон “Sustainable Minerals Institute (Тогтвортой эрдэс баялгийн хүрээлэн)”-ийн захирлаар ажилладаг.

Сидней их сургуульд суралцаж, Инженерийн бакалаврын болон Нью Саут Уэльс их сургуулийн Инженерийн шинжлэх ухааны магистрын боловсрол эзэмшсэн.